„საერთაშორისო გამჭვირვალობა – საქართველო“ აცხადებს მოხალისეების მიღებას 2013 წლის საპრეზიდენტო არჩევნების სადამკვირვებლო მისიაში მონაწილეობისათვის. მისიაში 300-ზე მეტი დამკვირვებელი ჩაერთვება. ორგანიზაციისთვის ეს უკვე მეორე ფართომასშტაბიანი სადამკვირვებლო მისიაა 2012 წლის საპარლამენტო არჩევნების შემდეგ.

დამკვირვებელი უნდა იყოს:

• საქართველოს მოქალაქე;
• 18 წლის ასაკის და ზევით;
• არცერთი პოლიტიკური პარტიის წევრი/აქტივისტი.

პირობები:

• მისიაში მონაწილეობა არ ითვალისწინებს ჰონორარს, თუმცა მოხალისეებს გადაეცემათ კვებისათვის 50 ლარი და ტელეფონის ხარჯების ასანაზღაურებლად – 10 ლარი;
• მოხალისეების ტრანსპორტირება უზრუნველყოფილი იქნება ორგანიზაციის მიერ;
• დამკვირვებლები გაივლიან ტრენინგს, რომელიც გაიმართება ოქტომბრის მესამე კვირაში;
• მოხალისეების სამუშაო დღე იქნება უშუალოდ არჩევნების დღე, 27 ოქტომბერი;
• ვინაიდან დამკვირვებლები განლაგებული იქნებიან მათი რეგისტრაციისგან განსხვავებულ საარჩევნო უბნებზე, ისინი ვერ შეძლებენ არჩევნებში ხმის მიცემას;
• ოლქებსა და უბნებში განაწილებისას შეძლებისდაგვარად გათვალისწინებული იქნება დამკვირვებლების სურვილი;

„საერთაშორისო გამჭვირვალობა – საქართველოს“ სადამკვირვებლო მისიაში მონაწილეობის სურვილის შემთხვევაში შეავსეთ მოცემული ფორმა* არაუგვიანეს 27 სექტემბრისა. მოხალისეების შერჩევა გასაუბრების შემდეგ მოხდება. ჩვენი წარმომადგენლები დაუკავშირდებიან მსურველებს და შეატყობინებენ გასაუბრების თარიღის შესახებ.

შეკითხვების შემთხვევაში მოგვმართეთ: volunteer@transparency.ge ან (+995 32) 291 14 03.

* ჩვენი ორგანიზაცია არ გასცემს თქვენს პირად ინფორმაციას მესამე პირებზე.